Պուտինը Լուկաշենկոյին հաջողություն է մաղթել առաջիկա ընտրություններում

Ռուսաստանի նախագահ Վլադիմիր Պուտինը հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ, շնորհավորել նրան Մկրտության տոնի կապակցությամբ և հաջողություն մաղթել ընտրություններում, հայտնում է Կրեմլի մամուլի ծառայությունը:

«Ռուսաստանի նախագահը նաև հաջողություններ է մաղթել Ալեքսանդր Լուկաշենկոյին 2025 թվականի հունվարի 26-ին կայանալիք նախագահական ընտրություններում», - ասվում է հաղորդագրության մեջ:

Հունվարի 21-25-ը Բելառուսում տեղի կունենա արտահերթ քվեարկություն նախագահական ընտրություններում, հունվարի 26-ը քվեարկության հիմնական օրն է:

Բացի Լուկաշենկոյից, բարձր պետական պաշտոնի են հավակնում Լիբերալ-դեմոկրատական կուսակցության առաջնորդ Օլեգ Գայդուկևիչը, աշխատանքի և արդարության Հանրապետական կուսակցության առաջնորդ Ալեքսանդր Խիժնյակը, Բելառուսի Կոմկուսի կենտկոմի առաջին քարտուղար Սերգեյ Սիրանկովը և անկուսակցական գործարար Աննա Կանոպացկայան, որը մասնակցել է նաև 2020 թվականի ընտրություններին: