Իսրայելը 24 ժամ է տվել պաղեստինցիներին․ ՄԱԿ-ը հորդորում է չեղարկել տարհանման հրամանը

Իսրայելի պաշտպանության բանակը (ՑԱԽԱԼ) Գազայի բոլոր բնակիչներին կոչ է արել  լքել տներն ու շարժվել դեպի հարավային անկլավ՝ «իրենց անվտանգությունն ապահովելու համար»: Իսրայելը, հետագա ռազմական գործողություններով պայմանավորված, Հյուսիսային Գազայի հատվածի 1,1 միլիոն բնակիչներին 24 ժամ է տվել բնակավայրը լքելու համար։ ՑԱԽԱԼ-ը պաղեստինյան «ՀԱՄԱՍ»-ի զինյալներին մեղադրել է խաղաղ բնակիչներին որպես «մարդկային վահան» օգտագործելու համար՝ նշելով, որ խմբավորման անդամները «թաքնվում են Գազա քաղաքում՝ թունելներում, տների տակ եւ Գազայի անմեղ խաղաղ բնակիչներով բնակեցված շենքերի ներսում»:

ՄԱԿ-ը կոչ է արել չեղարկել այդ հրամանը՝ պնդելով, որ մարդկանց զանգվածային հեռացումը կարող է «աղետալի իրավիճակի» հանգեցնել եւ ունենալ «ավերիչ հումանիտար հետեւանքներ»:

Իսկ «ՀԱՄԱՍ»-ը Գազայի բնակիչներին կոչ է արել չենթարկվել Իսրայելի պաշտպանության ուժերի՝ մեկ օրվա ընթացքում տարհանվելու հրամանը։