ՄԱԿ-ի գլխավոր քարտուղարը պատրաստակամություն է հայտնել ապրիլին Նյու Յորքում հանդիպել Լավրովի հետ

ՄԱԿ-ի գլխավոր քարտուղար Անտոնիու Գուտերեշը պատրաստ է հանդիպել ՌԴ ԱԳ նախարար Սերգեյ Լավրովի հետ ապրիլին՝ Նյու Յորք նրա այցի ժամանակ, եթե նման հարցում ստացվի ռուսական կողմից: Այդ մասին ճեպազրույցի ժամանակ հայտարարել է գլխավոր քարտուղարի պաշտոնական ներկայացուցիչ Ստեֆան Դյուժարիկը:

Ռուսաստանն ապրիլին նախագահելու է ՄԱԿ-ի ԱԽ-ում։ Սպասվում է, որ Լավրովը կմասնակցի անվտանգության խորհրդի մի շարք նիստերի:

Պատասխանելով այն հարցին, թե արդյոք ՄԱԿ-ի գլխավոր քարտուղարը նախատեսում է հանդիպել Լավրովի հետ, Դյուժարիկն ասել է. «Եթե նա գա Նյու Յորք և հանդիպման հարցում ստացվի, իհարկե, գլխավոր քարտուղարը կհանդիպի նրա հետ»:

«Գլխավոր քարտուղարը կշարունակի խոսել ցանկացածի հետ՝ շարունակելով կատարել իր աշխատանքը», - հավելել է նա: