2023թ.-ին վարչապետի ամսական աշխատավարձը կբարձրանա 240.000, նախարարինը՝ 142.000, իսկ աղքատինը 7.000 դրամով

Վարչապետի ամսական աշխատավարձը հաջորդ տարի բարձրանալու է 25 տոկոսով կամ 240 հազար դրամով, նախարարինը' 142 հազար դրամով, իսկ նվազագույն աշխատավարձով աշխատող աղքատի ամսական աշխատավարձը կբարձրանա ընդամենը 10 տոկոսով կամ 7 հազար դրամով։

2020 թվականի հունվարի 1-ից հետո կենսապահովման նվազագույն զամբյուղի ամսական արժեքն արդեն աճել է շուրջ 15 հազար դրամով։ Շուրջ 6 տոկոս միջին գնաճ էլ կառավարությունը կանխատեսում է հաջորդ տարի։

Սա է օրվա իշխանության սոցիալական իրական քաղաքականությունը։

Մնացածը ականջահաճո փաթեթավորումներով իշխանության կեղծ խոստումներն են, որոնք ունեն ավելացող և շարունակական բնույթ։

Թադևոս Ավետիսյան

ՀՅԴ անդամ,

ՀՀ ԱԺ «Հայաստան» խմբակցության պատգամավոր