25 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
ԵՄ արտգործնախարարները հոկտեմբերի 17-ին կքննարկեն «իրանական անօդաչու թռչող սարքերի տեղափոխումը Ռուսաստան» եւ կարող են քաղաքական համաձայնություն ձեռք բերել ապագա պատժամիջոցների վերաբերյալ՝ «կապված նման գործունեության հետ»։ Այս մասին հայտնում է Reuters լրատվական գործակալությունը՝ վկայակոչելով դիվանագետներին։
Դիվանագետների խոսքերով՝ երկուշաբթի օրը Լյուքսեմբուրգում կայանալիք նախարարների հանդիպմանն ընդառաջ նախապատրաստական հանդիպումները վկայակոչելով, «անօդաչու թռչող սարքերի գործունեության վերլուծություն է իրականացվել, եւ այդ թեման օրակարգում է»։
Նրանք նշել են, որ թեեւ երկուշաբթի օրը պատժամիջոցների նոր ցուցակների շուրջ համաձայնություն ձեռք բերելը հնարավոր չէ, քաղաքական համաձայնություն կարող է ձեռք բերվել, որը ճանապարհ կհարթի հետագա փուլում պատժամիջոցներ կիրառելու համար:
Երկուշաբթի օրը ԵՄ-ն արդեն պատրաստվում է ճանապարհորդական արգելք սահմանել եւ սառեցնել մոտ 15 իրանցիների հաշիվները:
Ֆրանսիան եւ Գերմանիան հստակեցրել են, որ «անհրաժեշտ են համարում նաեւ Ռուսաստանի կողմից օգտագործվող անօդաչու սարքերի նկատմամբ նոր պատժամիջոցները, եւ անօդաչուների տեղափոխումը պետք է դիտվի որպես ՄԱԿ-ի Անվտանգության խորհրդի բանաձեւի խախտում»։