Թուրքիան սկսում է С-400-ների տեղափոխումը Սինոպի մերձակա զորակայան

Թուրքիան սկսել է ռուսական С-400 հակահրթիռային պաշտպանության համակարգերը տեղափոխել Սինոպի մերձակայքում գտնվող զորակայան, հայտնում է թուրքական İhlas լրատվական գործակալությունը:

Ականատեսները Twitter-ում տարածել են երկրի սեւծովյան տարածաշրջանում գտնվող քաղաքով С-400-ների տեղափոխման տեսանյութը:

Համակարգերի տեղակայման վերաբերյալ պաշտոնական հայտարարություն չի եղել:

Թուրքիան թողարկել է NOTAM ծանուցումը, որը ենթադրում է օդային տարածքի սահմանափակումներ՝ Սեւ ծովի ափին գտնվող Սինոպում անցկացվելիք փորձարկումների հետ կապված, հաղորդել է լրագրող Լեւենտ Քեմալը:

Անցյալ տարի Թուրքիան 2,5 միլիարդ դոլարով Ռուսաստանից С-400 համակարգեր է գնել, սակայն դրանք դեռ չի ակտիվացրել: