Կրեմլն անդրադարձել է Խերսոնի շրջանի` Ռուսաստանի կազմ հնարավոր մուտքին

Ուկրաինայում Ռուսաստանի հատուկ գործողությունը զարգանում է ըստ պլանի, ուստի երկրի ղեկավարությունը չի նախատեսում ռազմական դրություն մտցնել։ Այս մասին հայտարարել է Կրեմլի խոսնակ Դմիտրի Պեսկովը։

«Առաջարկում ենք կենտրոնանալ մեր նախագահի հայտարարությունների վրա, որը հաստատել է, որ հատուկ գործողությունը զարգանում է ըստ պլանի։ Եթե խոսենք Ռուսաստանում ռազմական դրության մասին, ապա դա պլանների մեջ չէ»,- ասել է նա։

Պեսկովը նաև հայտնել է, որ Խերսոնի շրջանը Ռուսաստանի Դաշնության կազմում ընդգրկելու որոշումը պետք է կայացնեն այս շրջանի բնակիչները։

«Սա մի հարց է, որը պետք է հստակ և մանրակրկիտ ստուգվի և գնահատվի իրավաբանների ու իրավագետների կողմից։ Որովհետև, իհարկե, նման ճակատագրական որոշումները պետք է ունենան բացարձակապես հստակ իրավական ենթատեքստ, հիմնավորում, լինեն միանգամայն լեգիտիմ, ինչպես եղավ Ղրիմի դեպքում»,- ասաց նա։

Հանրաքվե անցկացնելու մասին հարցին Պեսկովը պատասխանել է. «Ես ասացի այն, ինչ ուզում էի ասել։ Ես հանրաքվեի հետ կապված ոչինչ չեմ ասել»։