Ժիրինովսկին կարծում է, որ Ուկրաինան, ի վերջո, կվերադառնա Ռուսաստանի կազմ

Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին կարծում է, որ Ուկրաինայի նախագահ Վլադիմիր Զելենսկին երկիրը կկառավարի ոչ ավելի, քան երկու տարի, որից հետո տեղի կունենա նոր «արյունալի» մայդան. հայտնում է РИА Новости-ն:

Ըստ Ժիրինովսկիի` ամբողջ երկիրն արյան մեջ է, տնտեսություն չկա, մարդիկ լքում են երկիրը, այնտեղ հազարավոր զինված անձինք կան` ազգայանականներ, որոնք խաղաղություն չեն ցանկանում: Քաղաքական գործիչը կարծում  է, որ նրանք Ուկրաինայում իշխանության կարող են բերել իրենց Պինոչետին, բայց, միևնույն է, ամեն ինչ կավարտվի Ուկրաինայի բաժանմամբ, իսկ հետո Ռուսաստանի կազմ Ուկրաինայի վերադարձով: