ՆԱՏՕ-ի երեք ռազմանավեր ժամանել են ֆիննական Տուրկու նավահանգիստ զորավարժություններին մասնակցության համար

ՆԱՏՕ-ի երեք ռազմանավեր ժամանել են ֆիննական Տուրկու նավահանգիստ ֆիննական նավատորմի հետ զորավարժություններին մասնակցության համար, հայտնում է Reuters-ը։

Երկօրյա զորավարժությունների ընթացքում, որոնք պետք է սկսվեն ապրիլի 28-ին, ֆիննական նավերը կնախապատրաստվեն մասնակցությանը ՆԱՏՕ-ի արձագանքման ուժերին 2022 թվականին, դրանք կկենտրոնանան «ականազերծման գործողությունների եւ բազմազգ շրջանակներում աշխատանքի վրա», ասվում է հայտարարության մեջ։

Ֆինլանդիայի վարչապետ Սաննա Մարինն ապրիլի 13-ին հայտարարել էր, որ երկիրն առաջիկա մի քանի շաբաթների ընթացքում կորոշի՝ դիմել ՆԱՏՕ-ին անդամակցության համար, թե ոչ:

Ֆինլանդիան եւ հարեւան Շվեդիան ՆԱՏՕ-ի մերձավոր գործընկերներ են, սակայն հրաժարվել են միանալ 30 անդամներից բաղկացած դաշինքին, որը հիմնադրվել է 1949 թվականին՝ Սառը պատերազմի ժամանակ Խորհրդային Միությանը հակազդելու համար: