Ռուսաստանն ազդանշան է ուղարկում Թուրքիային՝ հարձակվելով Ուկրաինայի ռազմակայանների վրա. թուրք ծովակալ

Ռուսաստանը մեծ վնաս է հասցնում Թուրքիային՝ հարձակվելով Ուկրաինայի ռազմակայանների վրա։ Այս մասին թուրքական Haberturk-ի հեռուստահաղորդումներից մեկի եթերում ասել է թուրք պաշտոնաթող ծովակալ, «Կապույտ Մարմարա» թուրքական ծավալապաշտական տեսության հեղինակ Ջիհաթ Յայջըն։

Նրա խոսքով՝ Ռուսաստանը ինչ-որ ազդանշան է ուղարկում Թուրքիային՝ հարվածելով ուկրաինական գործարաններից մեկին, որը կարևոր է թուրքական ռազմական արդյունաբերության համար։ Միաժամանակ, ծովակալը հիշատակել է ռուսական ուժերի կողմից ոչնչացված «Զորյա-Մաշպրոեկտ» գործարանը՝ ընդգծելով, որ Թուրքիան այս ձեռնարկության հետ պայմանագիր է կնքել թուրքական անօդաչու թռչող սարքերի, նավերի, ուղղաթիռների և ինքնաթիռների  շարժիչների համատեղ արտադրության համար։