ԱՄՆ-ը ՌԴ-ի հետ քննարկել է Կենտրոնական Ասիայում ռուսական ռազմակայանների օգտագործման հարցը

ԱՄՆ-ը ՌԴ-ի հետ քննարկել է Կենտրոնական Ասիայում ռուսական ռազմակայանների օգտագործման հարցը։ Wall Street Journal-ի հաղորդմամբ՝ ՌԴ ԶՈւ գլխավոր շտաբի պետ Վալերի Գերասիմովի հետ բանակցությունները վարել է ԱՄՆ զինված ուժերի շտաբների պետերի կոմիտեի նախագահ, գեներալ Մարկ Միլին:

Այսպիսով՝ ԱՄՆ-ը նոր հնարավորություններ է փնտրում՝ վերահսկելու Աֆղանստանում իրավիճակը ամերիկյան զորքերի դուրս բերումից հետո:

Ըստ թերթի՝ Գերասիմովը ոչ մի խոստում չի տվել Միլիին:

Ավելի վաղ ԱՄՆ Կոնգրեսը Պենտագոնին արգելել էր համագործակցել Ռուսաստանի պաշտպանության նախարարության հետ:

Պուտինի և Բայդենի հանդիպումից հետո լրատվամիջոցները գրել են, որ առաջնորդները քննարկել են Տաջիկստանում և Ղրղզստանում ռուսական բազաների կիրառման հարցը: