Ռուսաստանը և Թուրքիան համաձայն են քննարկել Լիբիայից օտարերկրացիների դուրս բերման հարցը. ԱՄՆ պետդեպարտամենտ

Ռուսաստանը և Թուրքիան պայմանավորվել են քննարկել Լիբիայից արտաքին ուժերի դուրս բերման հարցը: Այս մասին լրագրողներին հայտնել է ԱՄՆ պետքարտուղարության ներկայացուցիչը:

Ճեպազրույցի սղագրությունը հրապարակվել է Պետդեպարտամենտի կայքում, սակայն «բարձրաստիճան ներկայացուցչի» անունը չի հրապարակվում: «Սկզբունքորեն մենք գտնվում ենք մի իրավիճակում, երբ և՛ թուրքերը, և՛ ռուսները համաձայնեցին, որ դա կարող է քննարկման թեմա լինել»,- ասել է Պետդեպարտամենտի ներկայացուցիչը:

Նա հիշեցրել է, որ ՄԱԿ-ի Անվտանգության խորհրդի բանաձևը պահանջում է անհապաղ դուրս բերել օտարերկրյա ուժերը Լիբիայից, իսկ հակամարտության կողմերը պետք է դադարեցնեն կրակը:

Հիշեցնենք, որ հունիսի 23-ին Բեռլինում տեղի ունեցավ Լիբիայի վերաբերյալ միջազգային խորհրդաժողով: Ռուսաստանը ներկայացնում էր փոխարտգործնախարար Սերգեյ Վերշինինը: Նա նշել էր, որ Լիբիայում զինված ներկայությունը պետք է կրճատվի: