ԱՄՆ-ը և Ռուսաստանը սառը պատերազմի վիճակում չեն. ԱՄՆ պետդեպարտամենտ

ԱՄՆ-ը և Ռուսաստանը սառը պատերազմի վիճակում չեն դիվանագետների  արտաքսումից հետո: Այդ մասին հայտարարել է ԱՄՆ պետդեպարտամենտի ներկայացուցիչ Բրայան Նեբերթը. հայտնում է РИА Новости-ն:

«Ես այդպես չեմ կարծում: Դա այն էր, ինչը անհրաժեշտ էր կիրառել` ի պատասխան Միացյալ Թագավորությունում քիմիական զենքի կիրառելուն»,- ասել է նա` պատասխանելով համապատասխան հարցին:

Հիշեցնենք, որ Լոնդոնը Ռուսաստանին է մեղարդում ռուս նախկին լրտես Սերգեյ Սկրիպալի թունավորման մեջ և արտաքսել է 23 ռուսաստանցի դիվանագետի: ԱՄՆ-ը, ի նշան համերաշխության, արտաքսել էր 60 ռուսաստանցի դիվանագետի, ինչին Մոսկվան պատասխանել էր նույն կերպ: