ԱՄՆ պատվիրակությունը մեկնում է Թուրքիա՝ Քաբուլի օդանավակայանի անվտանգության հարցը քննարկելու

Պենտագոնի և ԱՄՆ պետքարտուղարության ներկայացուցիչների պատվիրակությունը կժամանի Թուրքիա՝ Աֆղանստանից ՆԱՏՕ-ի ուժերի դուրսբերումից հետո Քաբուլի միջազգային օդանավակայանում անվտանգության խնդիրները քննարկելու համար: Այս մասին «Անադոլու»ին հայտնել է ԱՄՆ պաշտպանության նախարարության մամուլի քարտուղար Ռոբ Լոդևիկը:

«Այս շաբաթ ԱՄՆ պաշտպանության նախարարության և ԱՄՆ պետքարտուղարության ներկայացուցիչների պատվիրակությունը կմեկնի Թուրքիա՝ Աֆղանստանի Քաբուլի օդանավակայանում անվտանգության խնդիրները քննարկելու»,- ասել է նա։

Հիշեցնենք, որ ԱՄՆ–ն առաջարկել էր Թուրքիային՝ ՆԱՏՕ–ի զորքերը Աֆղանստանից դուրս բերելուց հետո ստանձնել Քաբուլի օդանավակայանի անվտանգության պատասխանատվությունը։ Թուրքիան, ի պատասխան,  ֆինանսական աջակցություն էր պահանջել։