Բայդենը և Էրդողանը համաձայնության են եկել Քաբուլի օդանավակայանի հարցում. Սպիտակ տուն

Աֆղանստանից ՆԱՏՕ-ի ուժերի դուրս գալուց հետո Քաբուլի Համիդ Քարզայի անվան միջազգային օդանավակայանի անվտանգությունն ապահովելու հարցում Թուրքիան առաջատար դեր կխաղա. հինգշաբշթի հայտարարել է Սպիտակ տան ազգային անվտանգության հարեցրով խորհրդական Ջեք Սալիվանը։

Ըստ նրա՝ համապատասխան համաձայնությունը ձեռք է բերվել Բրյուսելում Թուրքիայի նախագահ Ռեջեփ Թայիփ Էրդողանի եւ Ամերիկայի Միացյալ Նահանգների նախագահ Ջո Բայդենի առաջին երկկողմ հանդիպման ժամանակ:

Սալիվանն ասել է, որ առաջնորդները «համաձայնության են եկել համատեղ աշխատել»`ապահովելու համար թուրքական ռազմական առաքելության ձևավորումը մինչև ԱՄՆ նախագահի կողմից Աֆղանստանից ԱՄՆ բոլոր ուժերը դուրս բերելու համար սահմանված վերջնաժամկետը:

«Նախագահ Էրդողանը նշել է, որ դա որոշակի օժանդակություն է պահանջելու, և նախագահ Բայդենը խոստացել է, որ այդպիսի աջակցություն կցուցաբերվի»,- ասել է Սալիվանը:

Նրա խոսքով՝ ներկայումս երկու երկրների ներկայացուցիչները նախագահների անունից մշակում են համաձայնագրի իրականացման մանրամասները: