Թուրքիան պատրաստ է քննարկել Քաբուլի օդանավակայանի վերաբերյալ առաջարկները. Հուլուսի Աքար

Թուրքիան ուշադիր հետևում է Աֆղանստանում տիրող իրավիճակին: Եթե ձևավորվեն համապատասխան պայմաններ և լինի առաջարկ, մենք կարող ենք քննարկել այս հարցը (Քաբուլի միջազգային օդանավակայանի ղեկավարման): Այդ մասին երկուշաբթի Անկարայում լրագրողներին տված հարցազրույցում ասել է Թուրքիայի ազգային պաշտպանության նախարար Հուլուսի Աքարը:

Պաշտպանության դեպարտամենտի ղեկավարն ընդգծել է, որ Թուրքիային և Աֆղանստանին կապում են պատմական կապերը:

Հուլուսի Աքարը հիշեցրել է, որ թուրքական ռազմական կոնտինգենտը վերջին 20 տարիների ընթացքում Աֆղանստանում հաջողությամբ մասնակցել է  տարբեր առաքելությունների:

«Թուրքիան հանդես է գալիս և ձգտում է իր ներդրումն ունենալ Աֆղանստանի վերակառուցման գործում՝ ապահովելով աֆղան ժողովրդի անվտանգությունն ու կայունությունը: (Քաբուլի օդանավակայանի հարցի շուրջ) Պետք է ապահովվեն անհրաժեշտ պայմանները, պետք է ընդունվեն և հաստատվեն թուրքական պետական իշխանությունների որոշումները, ինչպես նաև տրվեն նախագահի հանձնարարականները: Մենք պատրաստ ենք դիտարկել բոլոր առաջարկները»,- ասել է թուրք նախարարը: