Թուրքական զորքերը և նրանց վարձկանները փորձել են գրավել Սիրիայի հյուսիսում գտնվող տարածքները

Թուրքիան շարունակում է իր ագրեսիան Սիրիայի ժողովրդի դեմ: Մի քանի օր առաջ Թուրքիայի զինված ուժերը գրոհ են սկսել Սիրիայի հյուսիսում գտնվող Այն Իսա շրջանի Միշարֆա և Ջահբալ գյուղերի ուղղությամբ. հայտնում է Fırat գործակալությունը։

Սիրիայի ժողովրդավարական ուժերին (SDF) հաջողվել է հետ մղել գրոհները: Նրանք մտադիր չեն զավթիչներին թույլ տալ տիրել իրենց հողերին:

Ռաքքայի ռազմական խորհրդի բրիգադներից մեկի հրամանատար Ամար Աքքաշը հայտարարել է, որ թուրքական բանակը և նրա պրոքսիները փորձում են գրավել նշված տարածքը, սակայն տեղի բնակիչներն ու աշխարհազորայինները պաշտպանել են իրենց հայրենիքը: Նրա խոսքով՝ իրենք պատրաստ են պայքարել ցանկացած գործողության դեմ, որն ուղղված է տարածաշրջանում անվտանգությանն ու կայունությանը հարված հասցնելուն։