Թուրքական զորքերը հրետակոծել են Սիրիայի Հասեքե նահանգի հյուսիսում գտնվող գյուղերը

Թուրքական բանակի հրետանին կիրակի հրետակոծել է Սիրիայի Հասեքե նահանգի հյուսիսում՝ Թել Թամեր քաղաքի մերձակայքում գտնվող չորս բնակավայրեր: Այդ մասին SANA գործակալությանը հայտնել են ականատեսները:

Ըստ նրանց տեղեկությունների՝ Դարդարա, Թել Ջումաա, Համրա և Թել Շաննան բնակավայրերի տներն ու շենքերը ենթարկվել են հրետակոծության, ավերվել: Վնասվել են նաև տնտեսական ենթակառուցվածքներ։ Խաղաղ բնակիչների շրջանում զոհերի մասին տեղեկատվություն չի ստացվել:

Թել Թամեր սահմանամերձ շրջանը բնակեցված է հիմնականում ասորի քրիստոնյաներով: Թուրքական զորքերի և սիրիական զինված ընդդիմության կողմից պարբերաբար հրետակոծությունները, որոնց աջակցում է Անկարան, հանգեցրել են մեծ թվով բնակիչների տեղահանման դեպի Հասեքե նահանգի կենտրոն, որը 40 կմ է հեռու:

Ըստ SANA-ի՝ ընդդիմադիր զինյալները ահաբեկում են սահմանամերձ շրջանների բնակչությանը և պատանդ վերցնում քաղաքացիներին՝ փրկագին ստանալու համար: Նրանք խլում են անասունները և վերցնում հավաքված բերքը տեղի գյուղացիներից: