Էրդողանը գնահատել է Ս-400-ի պատճառով Թուրքիայի դեմ պատժամիջոցներ կիրառելու` ԱՄՆ ծրագրերը

Թուրքիայի դեմ ԱՄՆ-ի պատժամիջոցները անհարգալից վերաբերմունք են ՆԱՏՕ-ի կարևոր գործընկերոջ նկատմամբ. հայտարարել է Թուրքիայի նախագահ Ռեջեփ Թայիփ Էրդողանը:

Reuters-ը, վկայակոչելով աղբյուրներ, հաղորդում է, որ Թուրքիայի դեմ պատժամիջոցները, որոնք ԱՄՆ-ը պատրաստվում է կիրառել Անկարայի կողմից ռուսական Ս-400-ները ձեռք բերելու պատճառով, կարող են կիրառվել Թուրքիայի պաշտպանական արդյունաբերության քարտուղարության և դրա ղեկավար Իսմայիլ Դեմիրի դեմ: Սպասվում է, որ պատժամիջոցների կիրառման մասին օրերս կհայտարարվի:

«Թուրքիայի դեմ CAATSA պատժամիջոցների կիրառումը անհարգալից վերաբերմունք է ՆԱՏՕ-ի շատ կարևոր գործընկերոջ համար»,- Թուրքիայի առաջնորդին է մեջբերում Hürriyet  թերթը: