Բելառուսը զորավարժություններ է սկսում

Բելառուսի պաշտպանության նախարարությունը հայտարարել է, որ ուրբաթ օրը Գրոդնոյի ուղղությամբ մեկնարկել է մարտավարական զորավարժություններ. այս մասին հայտնում է ՌԻԱ Նովոստին:

Զորավարժությունները հաստատել է Բելառուսի ղեկավար Ալեքսանդր Լուկաշենկոն:

«Արևմտյան օպերատիվ հրամանատարության հրամանատարի ղեկավարությամբ Գրոդնոյի մարտավարական ուղղությամբ իրականացվում է համապարփակ տակտիկական զորավարժություն», - Telegram-ի ալիքում նշել է ՊՆ-ն:

Նախարարությունը նշել է, որ զորավարժությունը ներառում է մեքենաներ, տանկեր, հրետանի, ինժեներական ստորաբաժանումներ, ինչպես նաև անօդաչու թռչող սարքերի և ռադիոէլեկտրոնային պայքարի հաշվարկներ:

Ավելի վաղ Բելառուսի Պաշտպանության նախարարությունը հայտնել էր, որ Բելառուսում իրականացվում է զինված ուժերի մարտական պատրաստության համապարփակ ստուգում, նախատեսվում է որոշակի զորամասեր մարտական պատրաստության բարձրագույն աստիճանի հասցնել պահեստազորից զինծառայողների կանչով:

Լուկաշենկոն ցույցերի ֆոնին բազմիցս հայտարարել էր, որ երկիրը կանգնած է օտար ներխուժման եզրին։