Ռուսաստանը զորավարժություններ է սկսում Կասպից ծովում

Ռուսաստանը զորավարժություններ է սկսում Կասպից ծովում, որում ներգրավված են 6 նավ, 7 ինքնաթիռ և ավելի քան 400 զինծառայող։

Այս մասին հայտնում են ՌԴ ՊՆ-ից։ «Զորավարժությունները կընթանան Կասպից ծովի կենտրոնական հատվածում՝ Ապշերոնի թերակղզուց հյուսիս։

Ծովային վարժանքներին կմասնակցեն 6 նավ, 7 ինքնաթիռ և ավելի քան 400 զինծառայող»,- հայտնել են գերատեսչությունից։

Հրթիռակիր նավերը կիրականացնեն վերահսկիչ հրետանային և հրթիռային հրահանգներ՝ նշանառելով օդային և ծովային թիրախներ։ Նրանք կգործեն Հարավային ռազմական օկրուգի ավիացիայի հետ համատեղ։

ՌԴ ՊՆ-ից հայտնել են, որ զորավարժությունները որևէ սպառնալիք չեն ներկայացնում և որևէ սահմանափակումներ չեն դնում մերձկասպյան պետությունների տնտեսական գործունեության վրա։