Իրանը կաջակցի սիրիական կառավարությանը և ժողովրդին. Իրանի խորհրդարանի խոսնակ

Իրանի խորհրդարանի խոսնակ Մոհամմադ Բաքեր Քալիբաֆը իր ուղերձում շնորհավորել է սիրիացի գործընկեր Համմուդ Սաբբահին վերընտրվելու կապակցությամբ՝ նշելով, որ Իրանը կշարունակի աջակցել սիրիական կառավարությանը և ժողովրդին: Այս մասին հայտնում է իրանական IRNA գործակալությունը:

Քալիբաֆը իր գործընկերոջը հավաստիացրել է, որ իրանական և սիրիական խորհրդարանները կշարունակեն ռազմավարական փոխգործակցությունը երկկողմ, տարածաշրջանային և միջազգային մակարդակներում: Նա նաև շեշտել է երկու երկրների խորհրդարանների կողմից տնտեսական համագործակցության պահպանումն ու զարգացումը:

Քալիբաֆը իր ողջույններն է փոխանցել Սիրիայի նախագահ Բաշար Ասադին, ինչպես նաև հարգելի ժողովրդին՝ հույս հայտնելով, որ երկու պետությունների միջև դրական և կառուցողական համագործակցության կշարունակվի: Նա առողջություն և հաջողություններ է մաղթել Սաբբահին, սիրիացի օրենսդիրներին, ինչպես նաև կառավարությանը: