Թրամփն իրականում ձգտում է «Ամերիկան կրկին սոված դարձնել». Իրանի խորհրդարանի խոսնակ

Իրանի խորհրդարանի խոսնակ Մոհամմադ Բաղեր Ղալիբաֆը ծաղրել է ԱՄՆ-ի՝ վերջերս հայտարարված Իրանի նկատմամբ պատժամիջոցային ճնշումն ուժեղացնելու քաղաքականությունը։

«ԱՄՆ նախագահ Դոնալդ Թրամփն իրականում ձգտում է «Ամերիկան կրկին սոված դարձնել»,- հայտարարաել է նա՝ ծաղրելով ամերիկյան նախագահի նախընտրական «Make America Great Again» («Եկե՛ք Ամերիկան կրկին մեծ դարձնենք») կարգախոսը։

Իրանի խորհրդարանի ղեկավարը արձագանքել է Թրամփի հրապարակմանը, որտեղ վերջինս տեղադրել էր Ղալիբաֆի՝ Իրանի տնտեսության վիճակի մասին ելույթի խմբագրված հատվածը։ Ի պատասխան՝ նա ԱՄՆ նախագահին դիմել է հետևյալ խոսքերով․ «Եկե՛ք Ամերիկան կրկին սոված դարձնենք»։

«47 միլիոն ամերիկացիներ սոված են, և այս թվերը կեղծ չեն, ինչպես ձեր հայտարարությունները»։

Պատկերում ներկայացված տվյալների համաձայն՝ ԱՄՆ-ում շուրջ 47 միլիոն մարդ բախվում է սովի և պարենային անապահովության։ Սա նշանակում է, որ մոտավորապես յուրաքանչյուր ութերորդ ամերիկացին դժվարություններ ունի բավարար սնունդ ապահովելու հարցում»,-ասված է X սոցիալական ցանցում Ղալիբաֆի կատարած հրապարակման մեջ։