ԱՄՆ դեմոկրատ սենատորները «Մեծ Յոթնյակի» վեհաժողովին ՌԴ-ի մասնակցության դեմ նոր բանաձև են ներկայացրել

ԱՄՆ Դեմոկրատական կուսակցության մի քանի սենատորներ Սենատ են ներկայացրել «Մեծ Յոթնյակի» վեհաժողովներին Ռուսաստանի մասնակցության դեմ բանաձևի նախագիծ. այս մասին գրում է Известия-ն՝ նշելով, որ փաստաթուղթը կոչված է խոչընդոտել Ռուսաստանին «Յոթնյակի» մոտակա վեհաժողովին հրավիրելու մասին նախագահ Դոնալդ Թրամփի գաղափարը:

Հստակեցվում է՝ նախագծում քննադատության է ենթարկվում «ամերիկյան զորքերին և դեմոկրատական երկրների ինքնիշխանությանն ուղված ռուսական սպառնալիքների դեմ պայքարելու փոխարեն» Ռուսաստանի հետ հարաբերությունները կարգավորելու Թրամփի ձգտումը:

Այս առնչությամբ բանաձևում, մասնավորապես, նշվում է.

«ԱՄՆ Սենատը դեմ կլինի Ռուսաստանին երկրորդ անգամ ընդունել, մինչ վերջինս չի դադարել Ուկրաինայի, մեր դաշնակիցների և Միացյալ Նահանգների դեմ կործանարար գործողությունները»։