Օտարերկրյա զբոսաշրջիկներն արդեն կարող են մուտք գործել Իսպանիա

Իսպանիան չեղարկել է արտակարգ դրության ռեժիմն ու այդպիսով կրկին բացել իր սահմանները եվրոպական երկրների մեծամասնությունից զբոսաշրջիկների համար ու թույլ տվել բրիտանացի զբոսաշրջիկներին մուտք գործել երկիր առանց կարանտինային ռեժիմի. այս մասին հայտնում է BBC News-ը:

Նշվում է՝ երեք ամիս շարունակ երկիրը գտնվել է աշխարհում ամենակոշտ կարանտինային ռեժիմներում։

Չնայած փաստին՝ երկրում կարանտինային միջոցառումները մեղմվել են, այնուամենայնիվ վարչապետ Պեդրո Սանչեսը նախազգուշացրել է հիգիենայի միջոցները պահպանելու անհրաժեշտության մասին։

Ամեն տարի Իսպանիա է այցելում շուրջ 80 մլն զբոսաշրջիկ. տնտեսության այդ ոլորտը կազմում է ՀՆԱ-ի ավելի քան 12 տոկոսը: Զբոսաշրջային ոլորտի բացումը որպես որոշիչ գործոն է իսպանական տնտեսության համար:

Հիշեցնենք՝ Իսպանիան ԵՄ-ում զբաղեցնում է երրորդ տեղը կորոնավիրուսի հետևանքով մահացած պացիենտների թվով՝ ավելի քան 28000 մարդ: