Մեղքերի մեջ խրված աշխարհի կողմից Մարտի 8-ի տոնումը երեսպաշտություն է. Էրդողան

Մեղքերի մեջ խրված աշխարհի կողմից Մարտի 8-ի տոնումը երեսպաշտություն է. երեկ ելույթ ունենալով «Կանայք՝ Թուրքիայի հերոսուհիներ» համաժողովում, հայտարարել է Թուրքիայի նախագահ Ռեջեփ Թայիփ Էրդողանը:

Նա շնորհավորել է երկրի ու աշխարհի կանանց տոնի կապակցությամբ, նաև հիշեցրել, որ Սիրիայում զոհվածների մեծ մասը կանայք ու երեխաներ են, և ոչ ոք, ըստ նրա, այդ փաստին ուշադրություն չի դարձնում. տեղեկացնում է Yerkir.am-ը՝ Lif.ru-ին հղումով:

«Եվրոպայի հետ սահման եկած  հարյուր հազար փախստականները ենթարկվում են ծեծի, նրանց վրա կրակում են, նրանց առջև ցանկապատներ ու փշալարեր են տեղադրում, և մենք չենք լսել, որ որևէ մեկին վրդովեցնեն այդ փաստերը: Աշխարհի կողմից, որի խիղճը խրված է մեղքերի ու մարդկության հանդեպ հանցագործությունների մեջ, Մարտի 8-ի տոնումը, բառի բուն իմաստով, երեսպաշտություն է,- հայտարարել է Էրդողանը: