Խորհրդարանը քննարկում է Հրայր Թովմասյանի լիազորությունների դադարեցման համար ՍԴ դիմելու նախագիծը

ՀՀ ԱԺ պետաիրավական հարցերի մշտական հանձնաժողովն այսօրվա նիստում քննարկում է «Իմ քայլը» խմբակցության ներկայացրած նախագիծը: Այն վերաբերում է ՍԴ դատավոր (անդամ) Հրայր Թովմասյանի լիազորությունների դադարեցման համար ՍԴ դիմելուն: 

Հանձնաժողովի նախագահ Վլադիմիր Վարդանյանը նշեց, որ նիստին մասնակցելու հրավեր է ուղարկվել նաև Հրայր Թովմասյանին, սակայն նա ներկա չէ նիստին:

Նախագիծը ներկմայացնող՝ «Իմ քայլը» խմբակցության պատգամավոր Սուրեն Գրիգորյանը, անդրադառնալով այս գործընթացը քաղաքականացնելու հիմքերին,  պարզաբանեց՝ այն քաղաքական է այնքանով, որ խորհրդարանում է տեղի ունենում, սակայն քաղաքական շարժառիթներ չկան, իսկ վերջնական որոշումը Սահմանադրական դատարանի տիրույթում է:

«Եթե այսքանից հետո էլի ոմանց մոտ կասկածներ են մնում, ուրեմն՝ կա՛մ մեր բացատրելու տաղանդը չի բավականացնում, որ համոզենք, կա՛մ իր մոտեցումը սուբյեկտիվ է»,- ասաց նա: