Պուտինն ԱԽ անդամների հետ քննարկել է իրավիճակը Պարսից ծոցում և Վրաստանում

ՌԴ նախագահ Վլադիմիր Պուտինը Անվտանգության խորհրդի անդամների հետ քննարկել է իրավիճակը Պարսից ծոցում  և Վրաստանում երեկ տեղի ունեցած իրադարձությունները, ինչպես նաև ներռուսաստանյան մի շարք հարցեր: Այդ մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

«Հանդիպման մասնակիցները կոչ են արել համապատասխան երկրներին` զսպվածություն ցուցաբերել` նշելով, որ չմտածված քայլերը կարող են անուղղելի հետևանքների հանգեցնել տարածաշրջանային և համաշխարհային կայունության համար»,- ասել է նա:

Պեսկովի խոսքով` խոսելով Վրաստանի մասին`հանդիպման մասնակիցները նշել են, որ ռուսաստանցի խորհրդարանականների նկատմամբ ռուսատյաց սադրանքը շատ վտանգավոր երևույթ է: