Վահե Գրիգորյանը չի ասել, որ ինքը ՍԴ նախագահն է, այլ հայտարարել է, որ ստանձնում է ՍԴ նախագահի պարտականություններ կատարելը. Մակունց

Վահե Գրիգորյանը չի ասել, որ ինքը ՍԴ նախագահն է, այլ հայտարարել է, որ ստանձնում է ՍԴ նախագահի պարտականություններ կատարելը. խորհրդարանում լրագրողներին ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ՀՀԿ-ականների հայտարարություններին, որոնց համաձայն`չի կարող լինել Սահմանադրական դատարանի երկրորդ նախագահ, և այստեղ հանցակազմ կա:

Ի պատասխան դիտարկմանը, որ պաշտոնապես ՍԴ նախագահ է շարունակում լինել Հրայր Թովմասյանը, «Իմ քայլը»-ի ղեկավարը դարձյալ հիշեցրեց Վահե Գրիգորյանի այն մեկնաբանությունը, ըստ որի`ՍԴ-ում կա երկու դատավոր, և այն պարագայում, երբ մի դատավորն արձակուրդում է, ինքը ստանձնում է ՍԴ նախագահի պարտականությունները: