ՄԱԿ-ը կոչ է արել Սաուդյան Արաբիային` ընդունել Խաշուկջիի սպանության մեղքը

ՄԱԿ-ի արտադատական մահապատիժների հարցերով հատուկ զեկուցող Անիես Կալամարը կոչ է արել Սաուդյան Արաբիային` ներողություն խնդրել Թուրքիայից, ԱՄՆ-ից և սաուդցի ընդդիմադիր լրագրող Ջամալ Խաշուկջիի ընտանիքից ու ընդունել  նրա սպանության մեղքը: Այդ մասին ասվում է Կալամարի զեկույցում. հայտնում է РИА Новости-ն:

Նա նաև ասել է, որ հավաստի ապացույցներ կան, որ Խաշուկջիի սպանությանը մասնակից է Սաուդյան Արաբիայի  թագաժառանգ արքայազնը, սակայն անհրաժեշտ է հետագա հետաքննության անցկացում:

Հիշեցնենք, որ Washington Post –ի մեկնաբան Խաշուկջին առանձնակի դաժանությամբ սպանվել էր Թուրքիայում անցյալ տարվա հոկտեմբերին: Հիմնական կասկածյալն է սաուդյան թագաժառանգ արքայազնը, որի հետ լրագրողը տարաձայնություններ է ունեցել: