Պենտագոնի ղեկավարն ու Թուրքիայի պաշտպանության նախարարը շարունակում են շփումները

ԱՄՆ պաշտպանության նախարարի պաշտոնակատար Պատրիկ Շանահանն ու Թուրքիայի պաշտպանության նախարար Հուլուսի Աքարը շարունակում են շփումները՝ կապված Անկարայի կողմից ռուսական Ս-400 զենիթահրթիռային համակարգեր գնելու մտադրությունների հետ, հաղորդում է Reuters-ը:

Ամերիկացի գեներալ Թոդ Ուոլթերսը հայտարարել է, որ ԱՄՆ-ի եւ Թուրքիայի ռազմական հարաբերությունները մնում են «բացարձակ լավատեսական»՝ չնայած ռուսական Ս-400-եր գնելու դեպքում ամերիկյան F-35 կործանիչների ծրագրից Թուրքիայի բացառման մասին ԱՄՆ-ի որոշմանը:

«Աքարն ու Շանահանը շարունակում են երկխոսությունը: Իրականում նրանք կարող են հանդիպել մյուս շաբաթ ՆԱՏՕ-ի նախարարական խորհրդակցությունների ժամանակ»,- ասել է Ուոլթերսը: