Իսրայելի պաշտպանության նախարարը զրուցել է Պենտագոնի ղեկավարի հետ, գլխավոր թեման եղել է Իրանը

Իրանի հետ կապված իրավիճակը Վաշինգտոնում քննարկել են ԱՄՆ պաշտպանության նախարար Լլոյդ Օսթինը և նրա իսրայելցի գործընկեր Բենի Գանցը. հայտնում է Պենտագոնի մամուլի ծառայությունը։

Զեկույցում, որը մեջբերում է ՏԱՍՍ-ը, ասվում է․ «Պետքարտուղար Օսթինը վերահաստատել է ԱՄՆ-ի վճռականությունը՝ թույլ չտալ Իրանին՝ միջուկային զենք ձեռք բերել: Երկու առաջնորդները քննարկել են ընդհանուր մտահոգությունները Իրանի միջուկային սադրանքների, հրթիռային ծրագրի և ահաբեկչության աջակցության վերաբերյալ»:

Պենտագոնի ղեկավարը «վերահաստատել է ԱՄՆ-ի հանձնառությունը Իսրայելի անվտանգության և ռազմական գերազանցության ապահովման հարցում»։ Կողմերը պայմանավորվել են շարունակել սերտ համագործակցությունը երկու երկրների միջեւ տարածաշրջանում անվտանգությունն ապահովելու նպատակով։