Հունաստանում այրել են երկու թուրք դիվանագետի մեքենա

Հունաստանի Սալոնիկ քաղաքում այսօր առավոտյան այրել են թուրք երկու դիվանագետի ավտոմեքենաներ: Սալոնիկում առևտրային կցորդ Սերքան Բուրալըին պատկանող մեքենան անհայտ անձինք այրել են քաղաքի կենտրոնում գտնվող նրա տան դիմաց: Կարճ ժամանակ անց էլ` 1 կմ հեռու, միջազգային կառույցներից մեկում աշխատող թուրք կնոջ մեքենայի վրա բենզին է լցվել և այրվել. հաղորդում է «Սպուտնիկ»-ի թուրքական ծառայությունը:

Մեքենաների այրման հետևանքով մոտակայքում կայանված մեքենաները նույնպես վնասվել են: Հունաստանի ոստիկանությունը հետաքննություն է սկսել դեպքի կապակցությամբ:

Երկրի ԱԳՆ-ն հայտարարություն է տարածել թուրք դիվանագետների մեքենաների այրման վերաբերյալ: