Վրացիները բողոքի ակցիա են իրականացրել վրաց-ադրբեջանական սահմանին

Վրաց-ադրբեջանական սահմանին գտնվող Դավիդ Գարեջիի վանական համալիրի մոտակայքում բողոքի ակցիա է իրականացվում. հաղորդում է Эхо Кавказа ռադիոկայանը: Ըստ տեղեկությունների` ցուցարարները կենդանի շղթա են կազմել Դավիդ Գարեջիի վանական համալիրի այն հողատարածքի վրա, որի նկատմամբ ադրբեջանական կողմն ունի հավակնություններ: Ցուցարարների հայտարարության համաձայն` այս ակցիան ուղղված է հարևան Ադրբեջանին, որպեսզի ցույց տան, որ վանական համալիրը գտնվում է Վրաստանի տարածքում:

Նշենք, որ ապրիլի 25-ին վրացական կողմը հայտարարել էր, որ ադրբեջանցի սահմանապահները փակել են համալիր տանող ճանապարհը, ինչից հետո դժգոհության մեծ ալիք բարձրացավ Ադրբեջանի նկատմամբ: