Լարված իրավիճակ` վրաց-ադրբեջանական սահմանին. վրացիները Դավիթ Գարեջին չեն զիջելու Ադրբեջանին

Վրաց ադրբեջանական սահմանի վիճելի տարածքում տեղակայված վանական համալիրի շուրջ աղմուկը շարունակվում է. հաղորդում է aliq.ge կայքը:

Այս անգամ Վրաստանի մի խումբ քաղաքացիներ՝ քաղաքացիական ակտիվիստներ, հոգևորականներ ու զինվորականներ, շղթա կազմեցին վանական համալիրի ողջ երկայնքով՝ ևս մեկ անգամ իրենց հաստատակամությունը հայտնելով, որ Դավիթ Գարեջին վրացական է, գտնվում է վրացական հողում։

Ցույցի կազմակերպիչներն ասում են. «Սա նշան է, որ մենք որևէ մեկի հետ թշնամություն չենք ուզում, հատկապես` մեր եղբայրների՝ կովկասցիների հետ»: Այս ակցիան, նրանց խոսքով, զգուշացում է ցանկացած ուժի, որը սադրելու և տարածաշրջանին հարված հասցնելու փորձեր կանի:

Հիշեցնենք՝ վանական համալիրի շուրջ իրավիճակը թեժացել է հատկապես այն բանից հետո, երբ Ադրբեջանը զբոսաշրջիկների ու վրացի հոգևորականների առաջ փակել էր Գարեջիի վանքը: