Մի խումբ ջավախահայեր հայ-վրացական սահմանին բողոքի ակցիա են իրականացրել

 Տասնյակ ջավախահայեր փակել են հայ-վրացական սահմանը` բողոքելով սահմանային անցակետերում երկքաղաքացիություն ունեցող անձանց նկատմամբ դժվարություններ հարուցելու դեմ: Այդ մասին տեսանյութը տարածվել է ֆեյսբուք սոցիալական ցանցում: Ջավախահայերը պահանջում են հանդիպում կառավարության ներկայացուցիչների հետ:

Ջավախահայերից մեկը նշեց, որ այն երիտասարդները, ովքեր երկքաղաքացու հայկական անձնագիր են ստացել, Ռուսաստանից տուն վերադառնալիս, Հայաստան մուտք գործելիս փաստի առաջ են կանգնում. կամ պետք է զորակոչվեն ՀՀ բանակ, կկամ  5 տարի ժամկետով ազատազրկվում են: 

javakhkmedia.com-ը տեղեկացնում է, որ  ձեւավորվել է հինգ հոգանոց խումբ եւ վաղը նրանք հանդիպելու են ՀՀ կառավարության եւ ոստիկանության ներկայացուցիչների հետ: