Աստանայում ձերբակալել են մայրաքաղաքը Նուրսուլթան անվանակոչելու դեմ բողոքողներին

Արդեն տեղեկացրել ենք, որ Ղազախստանի խորհրդարանը հավանության է արժանացրել սահմանադրական  ուղղումները, ըստ որոնց` երկրի մայրաքաղաք Աստանան պետք է անվանափոխվի Նուրսուլթանի` ի պատիվ  հրաժարական տված առաջին նախագահ Նուրսուլթան Նազարբաևի:

Սակայն երկրի ոչ բոլոր բնակիչներն են կողմ այդ  գաղափարին: Այսպես` քաղաքապետարանի շենքի մոտ մի խումբ մարդիկ ակցիա են կազմակերպել: Նրանց և ոստիկանների միջև վեճ է սկսվել, ինչի հետևանքով ցուցարարները ձերբակալվել են. հայտնում է Настоящее время-ն:

Բացի այդ` gopetition.com կայքում համապատասխան խնդրագիր է տեղադրվել մարտի 20-ին և բավականաչափ արագ կերպով ստորագրություններ հավաքել. երեկ երեկոյան այն ստորագրել էր արդեն 13,6 հազար մարդ: Խնդրագրի հեղինակների խոսքով՝ երկրի շատ ոլորտներում ֆինանսավորման դեֆիցիտ կա, և մայրաքաղաքի անվանափոխումը բյուջետային միջոցների չափազանց մեծ ներդրում է՝ սկսած հասարակ ցուցանակներից մինչև նավիգացիոն համակարգերի ու միջազգային պայմանագրերի փոփոխություն: