Հայաստանում կմեկնարկեն Ֆրանկոֆոնիայի մշակութային օրերը

Մարտի 20-ը ողջ աշխարհում նշվում է որպես Ֆրանկոֆոնիայի միջազգային օր։ Հայաստանը եւս անմասն չի մնում, հատկապես, որ անցած տարվա հոկտեմբերին հաջողությամբ հյուրընկալեց Ֆանկոֆոնիայի 17-րդ գագաթաժողովը:

Մեր երկրում Ֆրանկոֆոնիայի մշակութային օրերը կմեկնարկեն մարտի 11-ից եւ կտեւեն մեկ ամիս: Այս ընթացքում տարաբնույթ լեզվամշակութային միջոցառումներ կանցկացվեն՝ ուղղված ֆրանսերենի, ֆրանսիական կինոյի, թատրոնի, գիտության, գրականության եւ ֆրանսիական խոհանոցի տարածմանը:

Ծրագրի մեկնարկը կտրվի Մոսկվա կինոթատրոնում՝ Ֆրանկոֆոն ֆիլմերի փառատոնով: Միջոցառումներ են նախատեսված նաեւ մարզերում. Գորիսն, օրինակ, մարտի 28-30-ը կհյուրընկալի Հայաստանում երիտասարդ ֆրանկոֆոնների թատերական 3-րդ փառատոնը: Ծրագիրը կփակվի «Տվյալների գիտություն, հասարակությունների գիտություն» համաժողովով, որը կտեւի 3 օր: