Վանի հանրապետական դատախազությունը քրդական կուսակցության նախագահ Սեզայի Թեմելիի նկատմամբ երկու հետաքննությունն է սկսել

Վանի հանրապետական դատախազությունը քրդական Ժողովուրդների դեմոկրատական կուսակցության նախագահ Սեզայի Թեմելիի նկատմամբ երկու հետաքննությունն է սկսել`  «ահաբեկչական կազմակերպության քարոզչություն» և «թուրք ազգին, Թուրքիայի Հանրապետությանը, պետական կառույցին և մարմիններին նվաստացնելը» մեղադրանքներով:

Խնդրո առարկան 2018 թ. դեկտեմբերի 19-ին Թեմելիի կողմից ԺԴԿ նահանգային կառույցում հանդիպման ընթացքում արված հայտարարությունների մեջ «հանցավոր տարրերն» են. հայտնում է hurriyet.com.tr կայքը: Գործն ուղարկվել է Անկարայի հանրապետական դատախազություն:

Նշենք, որ օրեր առաջ Անկարայի դատախազություն էին ուղարկվել նաև ոչ արտոնված ցույցի ժամանակ ոստիկանի թևը կծելու մեղադրանքով ձերբակալված Սալիհա Այդենիզի և սոցցանցերում հրապարակումների համար մեղադրվող Նադիր Յըլդըրըմի գործերը: