Հրաչյա Հարությունյանին մինչև 7 տարի ազատազրկում է սպառնում. գործի հետաքննությունն ավարտվել է

Ռուսաստանի ՆԳՆ-ն ավարտել և դատախազություն է հանձնել «ԿամԱԶ»-ի վարորդ Հրաչյա Հարությունյանի նկատմամբ հարուցված քրեական գործի հետաքննությունը. հայտնում է РИА Новости-ն: Հրաչյա Հարությունյանի վարած մեքենան բախվել էր ավտոբուսի, ինչի հետեւանքով 18 մարդ էր զոհվել:  

Հետաքննության ընթացքում պարզվել է, որ բեռնատարը ինչպես հարկն է չէր սպասարկվում, արդյունքում` արգելակներն արդյունավետ չեն գործել, իսկ Հարությունյանը պետք է իմանար այդ մասին:

Հարությունյանին սպառնում է մինչեւ 7 տարի ազատազրկում. Ռուսաստանում վթարի համար դա առավելագույն ժամկետ է, եթե կա երկու և ավելի զոհ, իսկ մեղավորը վթարի պահին սթափ է եղել: