Եգիպտոսի նախագահի` Հայոց ցեղասպանության վերաբերյալ արտահայտությունը Թուրքիայում մեծ իրարանցում է առաջացրել

Եգիպտոսի նախագահ Աբդել Ֆաթթահ ալ Սիսին Մյունխենում կայացած անվտանգության համաժողովում կոչ է արել եվրոպական պետություններին` մեծ կարևորություն տալ Հայոց ցեղասպանության փաստին:

2011 թ. հեղաշրջման գլխավոր «ճարտարապետներից» գեներալ ալ Սիսին նաև կոչ է արել իր եվրոպացի գործընկերներին` վերահսկողություն սահմանել մզկիթների նկատմամբ:

Yeniakit.com.tr կայքի համաձայն` համաժողովում Եգիպտոսի նախագահը գովեստի խոսքեր է ասել խաչակրաց արշավանքների վերաբերյալ, աշխարհում տեղի ունեցող պատերազմների և տառապանքների մեջ մեղադրել բարեփոխումների չենթարկվող իսլամին, ինչպես նաև քննադատել Թուրքիայի` Սիրիայում վարած քաղաքականությունը: