''Հայինկասացիայի'' մասին լուրն իրարանցում է առաջացրել ԿԲ-ում

«Հրապարակն» օրերս անդրադարձել էր «Հայինկասացիայի» նախընտրական գործողություններին: Գրել էր, որ այստեղ եւս լծվել են ավագանու առաջիկա ընտրություններում ձայներ ապահովելու գործին, սակայն արտառոցն այն էր, նշում է թերթը, որ Կենտրոնական բանկի մաս կազմող այս կազմակերպությունն աշխատում է ԲՀԿ-ի օգտին:

Երեկ թերթը տեղեկացել է, որ լուրը լուրջ իրարանցում է առաջացրել Կենտրոնական բանկում: ԿԲ ղեկավարությունը, մասնավորապես «Հայինկասացիայի» կուրատորները, փնտրում են ինֆորմացիոն արտահոսքի հեղինակին: «Կասկածյալներին» սպառնացել են ազատման դիմումներ գրել: Հույս ունեն, որ աշխատանքից ազատման վախը կստիպի, որ ինչ-որ մեկը «փուռը տա» ինֆորմացիան դուրս հանողին: