Որոշումը պետք է ստորագրեն բոլոր 6 պետությունների ղեկավարները. ՀԱՊԿ-ի պարզաբանումը

ՀԱՊԿ Հավաքական անվտանգության խորհրդի` ՀԱՊԿ նոր գլխավոր քարտուղարի նշանակման մասին որոշման ստորագրման ժամկետները դեռ չեն որոշվել: Այդ մասին РИА Новости-ին ասել է ՀԱՊԿ քարտուղարության մամուլի քարոտւղար Վլադիմիր Զայնետդինովը:

«Այդ որոշումը պետք է ստորագրեն բոլոր 6 պետությունների ղեկավարները: Գլխավոր քարտուղարը նշանակվում է կոնսենսուսով` 6 պետությունների ղեկավարների կողմից»,- պարզաբանել է նա:

Հիշեցնենք, որ այսօր  Ալեքսանդր Լուկաշենկոն ստորագրել է Բելառուսի Անվտանգության խորհրդի պետաքարտուղար Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին` ՀԱՊԿ Հավաքական անվտանգության խորհրդի որոշման նախագիծը: Զասը հայտարարել է, որ հույս ունի 2019-ի սկզբին անցնել ՀԱՊԿ գլխավոր քարտուղարի լիազորությունների կատարմանը: