Իրանի դեմ պատժամիջոցները կգործեն այնքան ժամանակ, քանի դեռ չի կնքվի Վաշինգտոնին ձեռնտու համաձայնագիր. Թրամփ

Իրանի նկատմամբ ԱՄՆ-ի կողմից դարձյալ սահմանված պատժամիջոցները կգործեն այնքան ժամանակ, քանի դեռ չի կնքվի նոր՝ Վաշինգտոնին ձեռնտու համաձայնագիր: Այդ մասին ասել է ԱՄՆ նախագահ Դոնալդ Թրամփը. հայտնում է РИА Новости-ն:

«Մենք կոչ ենք անում ռեժիմին (Իրանի իշխանություններին-խմբ.)` հրաժարվել միջուկային հավակնություններից, փոխել իր ապակառուցողական վարքագիծը, հարգել սեփական ժողովրդի իրավունքները և բարեխղճորեն վերադառնալ բանակցությունների սեղանի շուրջ: Մենք փորձում ենք հասնել մեր դաշնակիցների հետ այդ հարցով համագործակցությանը»,- ասել է նա:

Թրամփի խոսքով՝ ԱՄՆ-ը նախկինի պես պատրաստ է նոր, առավել համապարփակ գործարքի Իրանի հետ, որն «ընդմիշտ կարգելափակի դեպի միջուկային զենք` նրա ճանապարհը»:

Իրանի դեմ պատժամիջոցները կսկսեն գործել նոյեմբերի 5-ից: