Պատմական հնարավորություն է. Ստամբուլի նախկին քաղաքապետը` Փաշինյանի հայտարարության մասին

ՀՀ վարչապետ Նիկոլ Փաշինյանի` առանց նախապայմանների Թուրքիայի հետ հարաբերությունները սկսելու մասին հայտարարությունը մեծ արձագանք է գտել համացանցում:

Թուրք հայտնի քաղաքական գործիչ, Ստամբուլի Շիշլիի շրջանի նախկին քաղաքապետ Մուսթաֆա Սարըգյուլը «պատմական հնարավորություն» է որակել Փաշինյանի հայտարարությունը:

«Հայաստանի վարչապետ Փաշինյանը հայտնել է, որ իրենք պատրաստ են Թուրքիայի հետ առանց նախապայմանների դիվանագիտական հարաբերություններ հաստատել: Հայաստանի մեկնած ձեռքը դիվանագիտական տեսանկյունից պետք է դիտել որպես պատմական հնարավորություն: Վերջիվերջո, մեր ձեռքը նույնն է, ինչ եղբայրական Ադրբեջանինը»,-Twitter-ի իր էջում գրել  է Սարըգյուլը: