ՌԴ ԱԳՆ-ն կպատասխանի Մեծ Բրիտանիայի ոչ բարեկամական քայլերին. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցում ասել է, որ ՌԴ ԱԳՆ-ն պատասխան քայլեր կձեռնարկի Մեծ Բրիտանիայի մեղադրանքներից հետո. հայտնում է РИА Новости-ն:

«Մեծ Բրիտանիային կողմից Ռուսաստանի նկատմամբ ձեռնարկված ոչ բարեկամական քայլերի կապակցությամբ, անշուշտ, ենթադրվում է պատասխան քայլերի ընդունում»,- ասել է նա:

Ըստ Զախարովայի` Բրիտանիայի մեղադրանքները «խելագար մեղադրանքներ են»:

Հիշեցնենք, որ Մեծ Բրիտանիան և ԱՄՆ-ը Ռուսաստանին են մեղադրել ռուս նախկին լրտես Սերգեյ Սկրիպալի թունավորման մեջ: Երեկ Մեծ Բրիտանիան 23 ռուսաստանցի դիվանագետների արտաքսելու մասին որոշում է կայացրել: