Արցախյան զարթոնքի 30-ամյակը Ստեփանակերտում

Այսօր լրացավ Արցախյան ազգային-ազատագրական շարժման 30-ամյակը: Ստեփանակերտի Վերածննդի հրապարակում կայացավ բազմահազարանոց միջոցառում` նվիրված արցախյան շարժման 30-ամյակին, որի ժամանակ ելույթ ունեցավ նաև  Արցախի Հանրապետության նախագահ Բակո Սահակյանը: Միջոցառմանը ներկա էին Արցախի Հանրապետության երկրորդ նախագահ Արկադի Ղուկասյանը, Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Արցախյան շարժման վետերաններ, պետական բարձրաստիճան պաշտոնյաներ, Հայաստանի եւ սփյուռքի ներկայացուցիչներ, հյուրեր արտերկրից:

Միջոցառման  մասնակիցները պաստառներով, դրոշներով, կոչերով,  Ստեփանակերտի կենտրոնական փողոցներով շարժվեցին դեպի Վերածննդի հրապարակ, որտեղ էլ կայացավ  Ղարաբաղյան շարժման 30-ամյակին նվիրված տոնական միջոցառում: