Առաջիկա օրերին հուշագիր կստորագրվի. Ծառուկյանի խոսնակ

Գագիկ Ծառուկյանի հետ այս օրերին բանակցություններ վարող քաղաքական ուժերի ղեկավարները  կստորագրեն ԱԺ ընտրություններին համատեղ մասնակցելու մասին համագործակցության հուշագիր. Yerkir.am-ի հետ զրույցում հայտնեց Գագիկ Ծառուկյանի մամուլի խոսնակ Իվետա Տոնոյանը:

Նա նշեց, որ տարբեր քաղաքական ուժերի հետ քննարկումներն ընթացքի մեջ են: «Պաշտոնապես դեռ հաստատված չէ օրը, թե երբ կստորագրվի հուշագիրը, բայց որ առաջիկայում լինելու է և նախատեսված է այդ միջոցառումը, դա հաստատ է»,- շեշտեց Տոնոյանը:

Իսկ թե ո՞ր ուժերի հետ հստակ ու վերջնական պայմանավորվածություններ կան, նա չցանկացավ դեռևս հայտնել: «Այս պահին բազմաթիվ ուժերի հետ բանակցությունները դեռ ընթացքի մեջ են. ոմանց հետ ձեռք են բերվել վերջնական պայմանավորվածություններ, սակայն ես այդ մասին դեռևս չեմ բարձրաձայնի»,- ասաց Տոնոյանը: