Ձնագնդի՝ ԱԺ բակում. իշխանությունն ընդդիմությանն առաջինը հարվածեց

Այսօր խորհրդարանում լրագրողների հրավերին` ձնագնդի խաղալ և առաջին ձյունը շնորհավորել, արձագանքեցին պատգամավորներ Մարգարիտ Եսայանն ու Հովհաննես Սահակյանը: Մինչև «ձնեմարտի» մեկնարկը լրագրողներին ընդառաջ եկան ՀԱԿ խմբակցության պատգամավորներ Լևոն Զուրաբյանն ու Արամ Մանուկյանը, ովքեր, սակայն, հրաժարվեցին մասնակցել խաղին:

Այդուհանդերձ, մի քանի լրագրողներ և պատգամավոր Հովհաննես Սահակյանը հասցրեցին «ձնով խփել» նրանց: Մասնավորապես` Հովհաննես Սահակյանը Լևոն Զուրաբյանին «ձնելուց» հետո կատակեց. «Առաջին հարվածը` իշխանությունից»: Ի պատասխան, ՀԱԿ խմբակցության ղեկավար Զուրաբյանն ասաց. «Մենք ձեր հարվածին այլ կերպ կպատասխանենք»: