Փաշինյանն առաջարկում է խորհրդարանական ընդդիմությանն առաջադրել թեկնածուներ ՏՄՊՊՀ-ում և ՀԾԿՀ-ում ընդգրկվելու համար

Այսօր ԱԺ նիստում կառավարության հետ հարցուպատասխանի ժամանակ ԲՀԿ խմբակցության պատգամավոր Սերգեյ Բագրատյանը հարց ուղղեց վարչապետ Նիկոլ Փաշինյանին ընդդիմությանը վերահսկողական լծակներ տալու մասին: Պատգամավորի խոսքով` շուտով  ՏՄՊՊՀ-ն, ՀԾԿՀ-ն և Հաշվեքննիչ հանձնաժողով պետք է ներկայացվեն նախագահների թեկնածությունները, և արդյո՞ք ընդդիմությունը կարող է այս կառույցները ղեկավարել:

Նիկոլ Փաշինյանն ի պատասխան առաջարկեց ԲՀԿ և ԼՀԿ խմբակցություններին` առաջադրել թեկնածուներ այդ կառույցներում ընդգրկվելու համար. «Մենք դեռևս թեկնածու չունենք: Եթե նման գաղափարներ ունեք, կիսվեք մեզ հետ, մենք հաճույքով ընդառաջ կգնանք»: